Tamén de propiedade de José Mayo, trátase dunha edificación destinada tamén a actividades relacionadas coa mar. Trátase do denominado Serradoiro do "Charango". O serradoiro era de Benigno Freire Brea, alcumado o "Charango".

Tralo peche da súa actividade industrial, na década dos anos setenta do século XX, Benigno Freire véndelle o seu serradoiro a José Mayo, que tamén era propietario doutro serradoiro no Freixo.

Actualmente o edificio é de titularidade municipal e destinase a centro socio -- cultural da parroquia de Abelleira.